Dagskrá helgihalds um páska í Skálholtsprestakalli 2025

Skálholtsprestakall býður söfnuðum sínum og gestum velkomin til messuhalds og helgihalds yfir páskahátíðina með fjölbreyttri dagskrá í kirkjum Skálholtsprestakalls. Í Skálholtsdómkirkju og öðrum sóknarkirkjum verður boðið upp á trúarlega upplifun, fallega tónlist og helgihald sem heiðrar dýpstu merkingu páskahátíðarinnar.

Hér má sjá lista yfir helgihald í Skálholtsprestakalli um páska 2025:

17. APRÍL SKÍRDAGUR

- Kl 14 Messa í Bræðratungukirkju. Sr. Kristín Þórunn Tómasdóttir og Jón Bjarnason þjóna.

- Kl 20 Getsemanestund í Skálholtskirkju. Síðasta kvöldmáltíðin og afskrýðing altarisins í lokin. Gengið út í þögnina. Skálholtskórinn. Sr. Kristján Björnsson vígslubiskup þjónar fyrir altari og prédikar. Bergþóra Ragnarsdóttir djákni. Organisti Jón Bjarnason.

18. APRÍL FÖSTUDAGURINN LANGI

- Kl 14 Guðsþjónusta í Torfastaðakirkju. Sr. Kristín Þórunn Bjarnadóttir og Jón Bjarnason þjóna.

- Kl 16 Guðsþjónusta í Skálholtskirkju. Píslasagan lesin með sálmum sr. Hallgríms. Skáholtskórinn flytur kórverk. Sr. Kristján Björnsson vígslubiskup þjónar fyrir altari. Bergþóra Ragnarsdóttir djákni. Organisti er Jón Bjarnason.

20. APRÍL PÁSKADAGUR

- Kl 05:55 Helgistund í Skálholti með altarisgöngu við sólarupprás úti við kórgaflinn á Skálholtsdómkirkju. Sr. Kristján Björnsson vígslubiskup þjónar.

- Kl 08 Árdagsmessa í Skálholtskirkju með gleðilegum páskum. Sr. Kristján Björnsson vígslubiskup þjónar fyrir altari. Bergþóra Ragnarsdóttir djákni. Organisti Jón Bjarnason. Morgunverður á Hvönn í boði staðarins!

- Kl 11 Hátíðarmessa í Miðdalskirkju. Sr. Kristín Þórunn Tómasdóttir og Jón Bjarnason þjóna.

- Kl 14 Hátíðarmessa og ferming í Skálholtskirkju. Sr. Kristín Þórunn Tómasdóttir, Bergþóra Ragnarsdóttir djákni og Jón Bjarnason þjóna.

- Kl 14 Hátíðarmessa í Þingvallakirkju. Sr. Kristján Björnsson vígslubiskup þjónar. Organisti Ester Ólafsdóttir.

- Kl 16 Hátíðarmessa í Úthlíðarkirkju. Sr. Kristín Þórunn Tómasdóttir og Jón Bjarnason þjóna.

21. APRÍL ANNAR PÁSKADAGUR

- Kl 14 Páskamessa í Haukadalskirkju. Sr. Kristín Þórunn Tómasdóttir og Jón Bjarnason þjóna.

Við hvetjum alla, heimamenn jafnt sem gesti, til að taka þátt í þessari hátíðlegu vegferð sem leiðir okkur frá þögn Getsemane að gleði páskadags. Hvert helgihald býður upp á einstaka stund fyrir sál og samhygð í samfélagi kirkjunnar.

Verið hjartanlega velkomin – gleðilega páska!

Nánari upplýsingar um hverja messu má finna undir viðburðir á www.skalholt.is