Sunnudagsmessa með söng frá kór Seljakirkju kl 11.00

Sunnudaginn 12. október er messa kl 11 í Skálholtsdómkirkju þar sem sr. Kristín Þórunn Tómasdóttir sóknarprestur þjónar. Sérstakir gestir þennan dag eru kór Seljakirkju í Reykjavík sem syngur undir stjórn Tómasar Eggerts Guðnasonar organista. Kórinn dvelur í Skálholtsbúðum alla næstu helgi til að efla andann og æfa fyrir átök komandi mánaða og við í Skálholti erum mjög glöð að taka á móti þeim í messunni okkar.

Í Skálholtskirkju verður Fjölskylduborðið með litablöðum og mjúkum dýrum á sínum stað en þar má fólk á öllum aldri tylla sér og grípa í pensil á meðan messunni stendur. Innilega velkomin.