Bókaflutningur úr turni Skálholtsdómkirkju

Sunnudaginn 22. júní kl. 16:30 bjóðum við ykkur að taka þátt í einstöku og skemmtilegu verkefni:

Að flytja allar bækurnar úr kirkjuturni Skálholtsdómkirkju niður í nýja bókhlöðu Skálholtsstaðar í Gestastofunni.

Saman myndum við mannlega keðju sem handlangar bókakassa úr turninum, niður stigana, út og yfir í kjallara Gestastofunnar – hús með ríka sögu sem prestssetur, rektorshús, biskupssetur og nú fjölnotahús safnaðarins.

Þetta er sjaldgæft tækifæri til að taka virkan þátt í varðveislu og nýrri sögu staðarins. Verkefnið tekur um klukkustund og í lokin bíða kaffisopi og kleinur á Hvönn.

Við þökkum öllum sem leggja hönd á plóg – þetta verður ánægjuleg samvera þar sem enginn hleypur stigana og við notum hjálpartæki þar sem við getum.