Tónlistarlíf í Skálholtskirkju
Jón Bjarnason organisti
Jón Bjarnason er kantororganisti Skálholtsdómkirkju og hefur starfað síðan árið 2009. Áður var hann organisti í Seljakirkju í Reykjavík. Hann er einnig kórstjóri Skálholtskórsins og Söngkórs Miðdalskirkju. Jón sér um organleik við messur í Skálholtsprestakalli en þar eru samtals 10 kirkjur.
Jón útskrifaðist með kantorsprófi árið 2003 frá Tónskóla þjóðkirkjunnar og einleiksáfanga frá sama skóla árið 2006. Einnig lauk hann diplómu í orgelleik við Konunglega tónlistarháskólann í Kaupmannahöfn undir leiðsögn Bine Bryndorf veturinn 2011-2012.
Netfang Jóns er jon@skalholt.is
Sími: 6918321
_edited.jpg)
Skálholtskórinn
Kórinn hefur það hlutverk að leiða söfnuðinn í fjölbreyttum söng við hátíðleg tækifæri. Skálholtskórinn tekur þátt í reglulegu tónleikahaldi í Skálholtskirkju við jól, páska, við menningardagskrár kirkjunnar og á hátíðartónleikum á Skálholtshátíð. Skálholtskórinn samanstendur af íbúum og sveitungum úr Skálholtsprestakalli á öllum aldri sem njóta þess að syngja, hafa gaman og taka þátt í starfi safnaðarins á lifandi og uppbyggjandi hátt.
Jón Bjarnason organisti er stjórnandi kórsins.
Kóræfingar eru haldnar á þriðjudagskvöldum kl 20:00 - 22:00. Þegar mikið stendur til er æfingum bætt við.
Ávallt er tekið á móti nýjum röddum í Skálholtskórinn. Vinsamlegast setjið ykkur í samband við Jón Bjarnason organsista í síma 691 8321 eða á netfangið jon@skalholt.is
.jpg)
Óskalögin við orgelið
Óskalögin við orgelið eru tónleikar Jóns Bjarnasonar organista þar sem hann býður áhorfendum að taka þátt í tónleikunum með því að velja næsta lag. Gestir geta valið úr yfir 100 lögum, sálmum, sönglögum, popp og rokk lögum eða þjóðsöng Tungnamanna Kristján í Stekkholti. Gestir eru hvattir til að syngja með en textum laganna er varpað upp á vegg á meðan á tónleikunum stendur.
Öll eru velkomin á Óskalögin og er ókeypis inn. Tónleikagestir eru hvattir til að leggja frjáls framlög í Flygilsjóð Skálholtskirkju, en um þessar mundir stendur yfir söfnun til kaupa á flygli í kirkjuna. Hægt er að greiða með pening eða korti.
Einnig má leggja inná sjóðinn á reikning 0133-15-1647, kt 610172-0169.
Flygilsjóður
Um þessar mundir stendur yfir söfnun til kaupa á flygli í kirkjuna.
Einnig má leggja inná sjóðinn á reikning 0133-15-1647, kt 610172-0169.