Sunnudagsmessa í anda Taizé

Messa kl. 11 sunnudaginn 18. janúar. Við syngjum einfalda og hlýja sálma frá Taizé-samfélaginu á ólíkum tungumálum. 

Í þorpinu Taizé í Frakklandi hefur frá lokum síðari heimstyrjaldar verið starfrækt samkirkjulegt klaustur til að efla frið og samstöðu á milli fólks. Hugsjónin er að hjálpa okkur að ná sáttum, sættast við okkur sjálf, annað fólk, lífið og Guð og stuðla þannig að friði í heiminum. Eðli Taizé söngvanna er endurtekningin,sem fær okkur til að fara á dýptina, setjast að í kyrrð hjartans.

Barnaborðið er alltaf á sínum stað. Sr. Kristín Þórunn Tómasdóttir sóknarprestur þjónar og leiðir söng.  Meguru Yoshikawa er meðhjálpari. Innilega velkomin.