Ókeypis leiðsögn föstudaginn 20.september

Ókeypis leiðsögn í Skálholti!

Alla föstudaga, laugardaga og sunnudaga í september og október bjóðum við upp á ókeypis leiðsögn um Skálholtsdómkirkju og næsta nágrenni. Leiðsögnin hefst kl 15:00 alla dagana. 

Gengið verður um kirkjuna þar sem kirkjuvörður fer yfir sögu staðarins og listaverk og gripir inni í kirkjunni eru skoðuð. Þá er farið niður á safnið þar sem steinkista Páls Jónssonar frá 1211 og undirgöng frá 11.öld eru skoðuð. Fornleifasvæðið er skoðað en það hefur verið endurbætt í sumar. Leiðsögnin endar inn í Þorláksbúð. Leiðsögnin tekur um 30-40 mín og eru öll velkomin og aðgangur ókeypis. 

Mæting í kirkjuna föstudaga, laugardaga og sunnudaga kl 15:00!