Söguganga um Skálholt


Sr. Kristján Björnsson, vígslubiskup í Skálholti, mun leiða sögugöngu með skemmtilegu spjalli um Skálholtsstað og leiða göngufólk um helstu sögustaði Skálholts. Dagskráin hefst með vöfflukaffi í Skálholtsskóla kl. 15.00 og lýkur með kótilettukvöldverði í skólanum um kl. 19.00 og eftirrétti.


Eftir vöfflur er gengið út á heimatorfuna. Þaðan er farið um helstu sögustaði á hlaðinu, framhjá Prenthúsinu og niður vestari biskupstraðir, áð við Þorláksbrunn og fjósakeldu, gengið ofan að Skálholtsbúðum (Oddsstofu) og niður í Stekkatún við Hvítá. Þaðan er gengið yfir að Þorlákshver við Brúará og heim með áningu við "Búnaðarháskóla" (sem einu sinni átti að byggja) og framhjá skírnarskóginum. Þessi leið er einnig kölluð Þorláksleið sem verið hefur í uppbyggingu. Ljósmyndin er eftir Pál M. Skúlason úr sögugöngu í fyrra.


Fólk er beðið að klæða sig eftir veðri og vera á góðum skóm en gangan er frekar létt og allir stígar og vegaslóðar eru ýmist malbornir eða vel slegnir, stikaðir og þægir á fótinn.


Leiðsögumaður er sr. Kristján Björnsson, vígslubiskup.


Verð með skráningargjaldi, kaffi og kvöldverði kr. 9.700,-


Vinsamlegast skráið ykkur með nafni, netfangi og kennitölu inní skráningarformi undir "viðburðir" hér á síðunni. Greiðsla verður innt af hendi í

Sérvaldar færslur
Nýjustu færslur
Safnið
Stikkorð
Samfélagsmiðlar
  • Facebook Basic Square
  • Twitter Basic Square
  • Google+ Basic Square