Fjöldi viðburða og tónleika framundan í Skálholti

Boðið verður uppá fjölda viðburða og tónleika í Skálholtskirkju á næstu vikum.

Föstudagur 10. desember kl 19:00. Jólavaka á Veitingahúsinu Skálholti. Glæsilegur 7 rétta jólamatseðill. Lifandi tónlist og skemmtiatriði í höndum Jóns Bjarnasonar organista og Línusar Orra. Verð 9900 kr. Gisting og matur miðað við tvo í herbergi á krónur 18.000 á mann. Hægt er að panta borð fyrir hópa og einstaklinga í síma 845-5866 eða senda póst á hotelskalholt@skalholt.is


Sunnudagur 12. desember kl 16:00. Aðventuhátíð Skálholtsdómkirkju. Fjölskyldusamvera þar sem börn í Bláskógabyggð syngja jólalög undir stjórn Jóns Bjarnasonar. Barnastarf Skálholtsprestakalls sýnir atriði. Skálholtskórinn syngur, organisti er Jón Bjarnason. Aðgangur ókeypis.


Fimmtudagurinn 16. desember kl 20:00 - Jólatónleikar Karlakórs Selfoss. Karlakórinn flytur falleg jólalög til að koma gestum í jólaskap. Organisti er Jón Bjarnason. Ókeypis aðgangur en tekið er á móti frjálsum framlögum í Flygilsjóð Skálholts.




Sérvaldar færslur