Erindi dr. Munib Younan og Boga Ágústssonar á Skálholtshátíð 2019

Á heimasíðu Stofnunar dr. Sigurbjörns Einarssonar www.stofnunsigurbjorns.is eru komin erindi og prédikun dr. Munib Younan, fv. forseta Lútherska heimssambandsins, og hátíðarerindi Boga Ágústssonar, formanns Stofnunar dr. Sigurbjörns Einarssonar sem þeir héldu á Skálholtshátíð á Þorláksmessu á sumri 2019. Erindi sitt flutti Munib á seminari undir yfirskriftinni: „The Role of Religion in Peacemaking and Reconciliation.“ Daginn eftir flutti hann prédikun í hátíðarmessunni á Skálholtshátíð og er hún einnig birt á ensku þar sem hún var flutt í íslenskri þýðingu sr. Kristjáns Björnssonar í útsendingunni í útvarpinu.

Bogi flutti aðal erindið á hátíðardagskránni sem efnt var til eftir kirkjukaffið á Skálholtshátíð og nefndi hann erindi sitt: "Stattu kyrr og gef gaum að dásemdum Guðs."

Málþingið með Munib var haldið af Stofnun dr. Sigurbjörns Einarssonar í samstarfi við Skálholtsbiskup og Skálholtsstað.

Hvetjum við alla að lesa þessi erindi og önnur erindi sem flutt hafa verið á málþingum og ráðstefnum Stofnunar dr. Sigurbjörns Einarssonar en fyrsta málþing stofnunarinnar var einmitt haldið á Skálholtshátíð 2011.