Helgihald á jólaföstu

04.12.2018

 

Annan sunnudag í aðventu, 9. des. verður messa kl. 11. Organisti er Jón Bjarnason og sr. Egill Hallgrímsson, sóknarprestur, þjónar fyrir altari og prédikar. Laugardaginn 8. des. verður barnasamvera í Skálholtskirkju kl. 11 í umsjá Bergþóru Ragnarsdóttur og Jóns Bjarnasonar, organista. Kveikt verður á Betlehemskertinu á aðventukransi kirkjunnar.

 

Virka daga verða morgunbænir kl. 9 og síðdegisbæn kl. 18. Sr. Egill, Jón Bjarnason, sr. Skírnir Garðarsson, héraðsprestur, og sr. Kristján leiða þessar bænir og eru allir velkomnir.

 

Þriðja sunnudag í aðventu 16. des. verður messa kl. 11. Er það Gluggamessa vegna þess að þá verður því fagnað að allir steindu gluggar Gerðar Helgadóttur eru komnir á sinn stað aftur eftir viðgerð Oidtmann feðga í Þýskalandi. Auk þess hefur altarismynd Nínu Tryggvadóttur verið lagfærð verulega. Verndarsjóður Skálholtsdómkirkju hefur safnað fyrir þessum lagfærðingum. Öllum viðstöddum verður boðið í hádegisverðarhlaðborð í Skálholtsskóla í tilefni verklokanna.

Aðventuhátíð verður sama dag kl. 16 í Skálholtsdómkirkju með miklum söng og stuttum helgileik. Ræðumaður aðventuhátíðarinnar er Kristján Gíslason, Hringfarinn (úr samnefndum sjónvarpsþáttum).

Share on Facebook
Share on Twitter
Please reload

Sérvaldar færslur

Söngur, sagnir og ljóðatónlist í Skálholti - Hilmar Örn, Björg Þórhallsdóttir og Elísabet Waage á hörpu

November 9, 2019

1/10
Please reload

Nýjustu færslur