Fermingarfræðslan er að fara af stað

Ungmenni úr Bláskógaskóla á Laugarvatni, Bláskógaskóla í Reykholti og Kerhólsskóla í Grímsnesi sækja fermingarfræðsluna í Skálholtsprestakalli. Í vikunni fór sóknarprestur í skólana og afhenti börnum blað með spurningum sem þau eiga að svara. Þau börn sem ætla að fermast í vor skila blaðinu svo til sóknarprests þegar hann kemur aftur í skólana. Foreldrar þeirra barna sem ætla að fermast munu fá bréf með upplýsingum um fermingarfræðsluna og boð um sameiginlegan fund með börnunum og sóknarpresti.