Barrokk tónleikar í Skálholts dómkirkju 15. júní kl 20.

05.06.2018

Trompetleikararnir Jóhann Stefánsson og Vilhjálmur Ingi Sigurðarson hafa nokkrum sinnum komið fram ásamt Jóni Bjarnasyni dómorganista í Skálholti á Skálholtshátíð, við hátíðarmessur og jóla - og aðventutónleika undanfarin ár. 
Upp kom sú frábæra hugmynd að gera aðeins meira á þessum nótum og halda barrokkkvöld. Skálholtsdómkirkja er frábært hús til að flytja og hlýða á tónlist í ekki síst barrokktónlist. Það hefur sannast meðal annars með tónlistarhátíðinni Sumartónleikar í Skálholti sem haldin er í júlímánuði árlega frá árinu 1975. Selfosskirkja er einnig mjög gott tónleikahús og þar jafnframt stærsta pípuorgel á suðurlandi. Það verður því gaman að flytja þessa frábæru tónlist í tveimur dásamlegum húsum á suðurlandi.
Orgel og trompetar eru sérstaklega glæsileg hljóðfærasamsetning og er til gríðarlegt magn af glæsilegri tónlist fyrir þessi hljóðfæri saman. 
Á tónleikunum fá þremenningarnir til liðs við sig frábært tónlistarfólk. Það eru Sigríður Ósk Kristjánsdóttir mezzosópran, Sigurður Halldórsson sellóleikari ásamt fleiri frábærum strengjaleikurum.
Á tónleikunum verður eingöngu flutt tónlist frá barrokktímanum. Það er nokkurn veginn tímabilið frá 1600 til 1750. Barrokktímabilið var gríðarlega spennandi tími í vestrænni tónlistarsögu og eru verk frá þessum tíma mjög vinsæl enn þann dag í dag. Frægustu tónskáld tímabilsins eru meðal annarra J. S. Bach, Händel og Vivaldi. 

 

Tónleikarnir eru styrktir af SASS uppbyggingarsjóði suðurlands í flokki menningarverkefna.

 

Aðgangseyrir 2500 krónur.

Share on Facebook
Share on Twitter
Please reload

Sérvaldar færslur

Öruggar útfærslur á öllum þáttum kyrrðardaga út frá kröfum um sóttvarnir

September 23, 2020

1/10
Please reload

Nýjustu færslur
Please reload

Safnið
Please reload

Stikkorð
Please reload

Samfélagsmiðlar
  • Facebook Basic Square
  • Twitter Basic Square
  • Google+ Basic Square

SKÁLHOLT - SAGA OG MENNING Í 1100 ÁR

Sími: +354 486-8870

Skálholtsskóli

Skálholti, 801Selfoss

skalholt@skalholt.is

© 2023 Skálholtskirkjustaður