Skálholtsbjórinn kynntur


Þann 5 maí verður veisla í Skálholtsskóla. Á holtinu þar sem skálað hefur verið í 1000 ár, mun fyrsti Skálholtsbjórinn líta dagsins ljós með tilheyrandi pompi og prakt, en hann verður seldur á miðaldaverði þetta eina kvöld og í boði verður smakk á miðaldakvöldverðinum. Einnig verður boðið upp á staðarleiðsögn, söng frá Unni Malín og orgelleik Jóns Bjarnasonar. Jarteiknabækur bera með sér að oft misheppnaðist ölgerðin á Íslandi á fyrri öldum. Það kom „skjaðak" í ölið, sem er einhverskonar eitrun. Var þá heitið á helga menn og urðu þeir jafnan vel við. Sagt er að Ísleifur biskup blessaði mungát það er skjaðak var í og var þaðan í frá vel drekkandi. Ennfremur segir um Þorlák biskup helga: Þorlákur helgi var í lifanda lífi „svo drykksæll, að það öl brást aldrei er hann blessaði og hann signdi sinni hendi þá er gjörð skyldi koma". Það kostar ekki á þennan viðburð og vonumst við til að sjá sem flesta hér að fagna þessum degi með okkur!

Sérvaldar færslur
Nýjustu færslur
Safnið
Stikkorð
Samfélagsmiðlar
  • Facebook Basic Square
  • Twitter Basic Square
  • Google+ Basic Square

SKÁLHOLT - SAGA OG MENNING Í 1100 ÁR

Sími: +354 486-8870

Skálholtsskóli

Skálholti, 801Selfoss

skalholt@skalholt.is

© 2023 Skálholtskirkjustaður