top of page

Skálholtshátíðin 2026: Helgihald, Tónlist og Fyrirlestrar um Arfleifð Ninu Tryggvadóttir

Jul 22
1 min read

Updated: Jul 24




Skálholtshátíð sem stóð yfir dagana 18. – 19. júlí er nú lokið. Dagskráin var glæsileg að vanda en Solveig Lára Guðmundsdóttir fyrrverandi vígslubiskup á Hólum stýrði hátíðinni í ár. Biskup Íslands Guðrún Karls Helgudóttir var viðstödd hátíðarhöldin og predikaði í hátíðarmessu. 

 

Hátíðin var mjög vel sótt, þar sem meðal annars fóru fram helgiathafnir, tónleikar og fyrirlestrar, þar á meðal erindi Aðalheiðar Valgeirsdóttur myndlistarmanns og listfræðings

 

Í erindi sínu sem bar yfirskriftina Til móttöku og blessunar

fjallaði Aðalheiður um Nínu Tryggvadóttur og altarismynd hennar í tilefni þess að  í ár eru 60 ár frá því að hún var vígð af Sigurbirni Einarssyni þáverandi biskupi. Fyrirlesturinn var á vegum Skálholtsfélagsins hins nýja, sem bauð upp á veitingar að honum loknum.

 

Strengjasveit undir stjórn Páls Palomares lék á hátíðartónleikum í kirkjunni, og kór Skálholtsdómkirkju söng við athafnir og  á hátíðardagskránni undir traustri stjórn Jóns Bjarnasonar.

 

Um helgina gengu pílagrímar frá Reynivöllum í Kjós í Skálholt sem er fjögurra daga gönguleið. Við inngöngu í Skálholtsdómkirkju við upphaf hátíðarguðsþjónustunnar var safnast saman við skírnarfontinn þar sem sunginn var söngur pílagrímsins Fögur er foldin.

 

Á laugardagskvöldið var borinn fram í Hvönn sameiginlegur kvöldverður í Skálholtsskóla.

 

Þórdís Kolbrún Reykfjörð Gylfadóttir flutti hátíðarræðu á sunnudeginum. Þar fjallaði hún m.a. um breytta stöðu heimsmála.

 

Allir eru velkomnir á Skálholtshátíð og í sama anda hlökkum við til að taka á móti gestum á næsta ári.

 

 

 Á þessum myndum er stutt samantekt frá þessum fallegu dögum.





 
 
 

2 Comments


cage
2 days ago

For business owners, a Statement Converter may reduce repetitive data entry, while careful review of converted figures helps keep bookkeeping records accurate and complete for monthly reporting and tax preparation.

Like

Willie Halvorson
Sep 14

Thank you for providing information about the Skálholtshátíðin 2026 event and Nina Tryggvadóttir's important contribution in Icelandic culture! I believe that hosting these concerts and seminars honors cultural history block blast while also providing a venue for the community to explore art together.

Like
bottom of page