Söguganga í Skálholti - Þorláksleið - 5 júní

Söguganga um leið Þorláks Helga í Skálholti. Eftir vöfflukaffi er gengið út á heimatorfuna og sögustaðir þræddir á Þorláksleið allt niður í Stekkatún við Hvítá og að Þorlákshver. Endað á kótilettukvöldverði, ábæti og spjalli. Gangan tekur um 2-3 tíma. Verð með kaffi og kvöldverði kr. 9.700,-
Registration is Closed
Söguganga í Skálholti - Þorláksleið - 5 júní

TÍMI & STAÐSETTNING

05. jún., 15:00 – 20:00
Skálholt, Skálholt Cathedral, Iceland

UM VIÐBURÐINN

Söguganga um Skálholtsstað - Gengið um Þorláksleið.

Dagskráin hefst með vöfflukaffi í Skálholtsskóla kl. 15.00. Þegar göngufólk hefur náð sér í nægja orku verður gengið um Skálholtsstað undir leiðsögn sr. Kristjáns Björnssonar, vígslubiskups. 

Gengið er út á heimatorfuna. Þaðan er farið um helstu sögustaði á hlaðinu, framhjá Prenthúsinu og niður vestari biskupstraðir, áð við Þorláksbrunn og fjósakeldu, gengið ofan að Skálholtsbúðum (Oddsstofu) og niður í Stekkatún við Hvítá. Þaðan er gengið yfir að Þorlákshver við Brúará og heim með áningu við "Búnaðarháskóla" (sem einu sinni átti að byggja) og framhjá skírnarskóginum. Þessi leið er einnig kölluð Þorláksleið sem verið hefur í uppbyggingu.  

Gangan tekur um 2-3 tíma og lýkur með kótilettukvöldverði  og eftirrétti í skólanum um kl. 19:00.

Fólk er beðið að klæða sig eftir veðri og vera á góðum skóm en gangan er frekar létt og allir stígar og vegaslóðar eru ýmist malbornir eða vel slegnir, stikaðir og þægir á fótinn. 

Leiðsögumaður er sr. Kristján Björnsson, vígslubiskup.  

Verð með skráningargjaldi, kaffi og kvöldverði kr. 9.700,- 

Vinsamlegast skráið ykkur með nafni, netfangi og kennitölu. Greitt á staðnum. Hægt er að greiða með korti. 

Registration is Closed

DEILA VIÐBURÐINUM