Pílagrímaganga - Hólar - Skálholt

Skipulögð hefur verið pílagrímaganga frá Hólum til Skálholts í tengslum við Skálholtshátíð. Þessa göngu er verið að fara í fyrsta sinn og er í sjálfu sér prufuganga. 

Fulltrúar Ferðafélags Skagfirðinga, Ferðafélags Árnessinga og Ferðafélags Íslands hafa aðstoðað við skipulagningu göngunnar. Ferðafélag Íslands mun styrkja gönguna með því að gefa gistingu í Þverbrekknamúla og Hvítárnesi. Skálholt mun einnig gefa gistingu í Gestastofu á meðan pláss leyfir. Alltaf verður hægt að taka með sér tjald til þess að gista í (sjá gististaði hér að neðan).   Hægt er að ganga með alla leið eða hluta úr leið og skipta þessu niður eins og hver og einn vill. Lögð verður áhersla á andlegu hliðina, íhugunarefni og helgihald á meðan göngu stendur, t.d. morguntíðum og kvöldtíðum.

 Gengið er af stað kl 9:00 á hverjum degi og núvitund, kristin íhugun og hugleiðsla verður stundað alla daga. Gangan er farin með þetta í huga og ætlast er til þes að þeir sem komi til að ganga taki virkan þátt í helgihaldi og öðrum andlegum æfingum.  Þema hvers dags verður auglýst þegar nær dregur.

Allir sem ganga einhvern hluta leiðar er boðið í hátíðarkvöldverð í Skálholtsskóla að kvöldi 17.júlí.

Ath. Hver og einn ber fulla ábyrgð á sjálfum sér og hver og einn þarf að greiða fyrir sína gistingu hverju sinni. Hver og einn ber ábyrgð á því að koma sér að upphafspunkti til áfangastaðar hvern dag. Hver og einn ber ábyrgð á því að koma sér heim. Í fullri ábyrgð felst og að hver og einn er tryggður fyrir sjálfum sér, allt sem fram hefur komið og öðru sem upp kann að koma.   Skráning fer fram á heimasíðu Skálholts, skalholt.is og dagur.f.magnusson@kirkjan.is

Guðsþjónusta og fararblessun fer fram kl 8:30 í Hóladómkirkju áður en gangan hefst 8 júlí. 

Dagleiðir og verð: 

8.Júlí

Hólar - Flugumýri

c.a. 21km

Flugumýri - uppábúið

6.500kr

9.júlí

Flugumýri - Mælifellsdalur

c.a. 26km

Tjald

0kr.

10.júlí

Mælifellsdalur - Galtárskáli

c.a. 26km

Galtarárskáli - svefnp.pl.

6000kr

11.júlí

Galtárskáli - Strönguhvíslarskáli

c.a. 20.5km

Strönguhvíslarskáli - svefnp.pl.

6000kr

12.júlí

Strönguhvíslarskáli - Hveravellir

c.a. 20.5km

Hveravellir - Svefnp.pl.

28.800kr/8.000

13.júlí

Hveravellir - Þverbreknamúli

c.a. 26km

Þverbrekknamúli - Svefnp.pl.

0kr

14. júlí

Þverbreknamúli - Hvítárnes

c.a 15 km

Hvítárnes - Svefnp.pl.

0kr

15.júlí

Hvítárnes - brú- Fremstaver

c.a 24,5

Skálholt/tjald/Fremstaver - Svefnp.pl.

fremstaver 6000kr

16.júlí

Fremstaver - Haukadalskirkja

c.a 26km

Skálholt/tjald/Haukadalskirkja - Svefnp.pl.

0kr

17.júlí

Haukadalskirkja - Bræðratunga

c.a20.7km

Skálholt - Svefnp.pl.

0kr

18.júlí

Bræðratunga- Skálholt

c.a. 5

Frekari upplýsingar gefur Sr. Dagur Fannar Magnússon s.7736341 dagur.f.magnusson@kirkjan.is

Mynd frá Ferðafélagi Íslands