Ragnheiðarganga 18. júní kl 15:00

Í ár eru liðin 380 ár fæðingu Ragnheiðar Brynjólfsdóttur í Skálholti og 360 ár frá því að hún sór eiðinn um meydóminn þann 11. maí 1661, þá 19 ára gömul. 

Föstudaginn 18. júní nk efnum við til Ragnheiðargöngu til að minnast hennar og heiðra líf hennar í Skálholti. 

Við hefjum gönguna á vöfflukaffi í Hótel Skálholti og endum hana með kvöldverði og ábæti. 

Verð 9.700 kr

Við göngum um Skálholtskirkju og næsta nágrenni og skoðum staði tengda ævi Ragnheiðar og fólksins hennar. Þar á meðal verður komið við hjá minningarmarki Ragnheiðar og allrar fjölskyldunnar sem Skálholtsfélag hið nýja kom upp fyrir fáeinum árum. 

Í tilefni af þessum tímamótum verða pílagrímagöngurnar til Skálholtshátíðar allar helgaðar Ragnheiði í ár og íhuganir um Ragnheiði á síðustu dagleiðum frá Þingvöllum og Bræðratungu og jafnvel líka frá Steinsholti þar sem Daði Halldórsson andaðist 1721, fyrir réttum 300 árum. 

Blessuð sé minning Ragnheiðar Brynjólfsdóttur en 11. maí er áminning okkar enn þann dag í dag og allrar þjóðarinnar allan þennan tíma.