FRESTAÐ FRAM Á VOR! - Gróðursetningardagur í Skálholti 3. september kl 10 - 15

Gróðursetningardagur grænu kirkjunnar í Skálholti

Skálholtsstaður efnir til gróðursetningardags laugardaginn 3. september nk.

Grænir söfnuðir og félagasamtök eru boðin velkomin í Skálholt og taka þátt í gróðursetningardeginum.

Dagskrá

10:00 - Herdís Friðriksdóttir framkvæmdastjóri Skálholts mun kynna landnemaverkefnið og sýna kort af svæðinu.

10:15 – Halldór Reynisson mun fara yfir grunnatriði skógræktar m.a. val á trjátegundum, undirbúning lands fyrir skógrækt og gróðursetningu. Skoðað er hvernig landgræðsla og skógrækt bindur kolefni og gestir læra að reikna út kolefnisspor sitt.

11:30 – Fundur Grænni söfnuða. Þeir sem ekki sitja fundinn fá leiðsögn um Skálholtsstað á meðan fundinum stendur.

12:00 – Hádegisverður – súpa, brauð, hummus og pestó.

13:00 – 15:00 Sýnikennsla og gróðursetning í landnemaspildum. Farið er vel yfir hvar best er að staðsetja plöntuna við gróðursetningu og hvaða og hve mikinn áburð á að nota. Landnemar fá svo að gróðursetja að vild í landnemaspildur sínar.

Vorviður (stuðningur Skógræktarinnar við skógrækt félaga og samtaka) hefur styrkt Græna söfnuði um plöntukaup að 300.000 kr. Plönturnar verða því aðgengilegar við landnemareitina ásamt gróðursetningartækjum og áburði. Kjósi landnemar að koma með sínar eigin plöntur og gróðursetningaráhöld er það velkomið.

Skálholtsstaður útvegar gróðursetningarverkfæri og áburð.

Vinsamlegast klæðið ykkur eftir veðri og verið með vinnuhanska.

Verð á mann 2500 kr. Hægt er að greiða við komu eða fá sendan reikning.

Vinsamlegast skráið ykkur á viðburðinn með því að senda tölvupóst á skalholt@skalholt.is

Mikilvægt er að eftirfarandi komi fram:

• Fullt nafn og netfang þess sem skráir
• Um hvaða sókn eða kirkju ræðir
• Fjöldi þátttakenda