Einmana saman - Námskeið með Jóhönnu Magnúsdóttur

Einmana saman – helgardekur     „Við erum víruð fyrir væntumþykju og til að tilheyra“ eru orð félagsráðgjafans Brené Brown. Það að vera í sambandi við annað fólk, annars er hætta á að við verðum veik. Læknar tala um að einmanaleiki geti verið hættulegri heilsunni en reykingar eða alkóhólismi.    Einmanaleiki þarf ekki alltaf að vera það að t.d. búa einn, - einmanaleiki getur líka verið það að manni finnist maður ekki tilheyra, eða vanta einhvern/einhverja til að tilheyra.     Nú er komið að því að ávarpa þennan einmanaleika.  Mætast í skilningi og væntumþykju.  Af því tilefni er efnt til helgardekursins  „Einmana saman“ í  heilandi umhverfi Skálholts helgina 4.-6. febrúar nk.  Helgin samanstendur af fyrirlestrum, samtali, uppákomum og skemmtilegum æfingum - en markmiðið er auðvitað að hafa gaman saman og ná að upplifa það að vera alls ekki ein/n.     Leiðbeinandi á námskeiðinu er Jóhanna Magnúsdóttir, kennari og guðfræðingur, en hún leysti af sem sóknarprestur í Skálholti veturinn 2016-2017 og þekkir því vel til staðarhátta. Jóhanna byggir leiðsögn sína á þekkingu og menntun, en fyrst og fremst á lífsreynslu. Jóhanna hefur fjölþætta reynslu af námskeiðahaldi og ráðgjöf og ætlar því að deila ýmsu úr sinni fjársjóðskistu.    

Drög að dagskrá „Einmana saman“ :

Föstudagur 4. febrúar

17.00 – 18.00  mæting og herbergin  klár, möguleiki á að fá herbergið fyrr.

18.30  Laufléttur kvöldverður

20.00 – 22:00  Samvera  í setustofunni, arinstofu Skálholtsskóla. Kynning á dagskrá, leiðbeinandi og þátttakendur kynna sig.

Laugardagur 5. febrúar

8.00  Morgunhugleiðsla  

8:15 Morgunverður

09:00   Innleiðing og samtal um einmanaleika, sjálfsmynd og tilfinningar

11:00 Frjáls tími

12.00  Hádegisverður

13:00  Samverustund og samtal um væntingar og vonir

15.00 Kaffipása

16:00 Sögustund um Skálholtsstað

17:00 Frjáls tími – eftirmiðdagsafslöppun

19.00 Kvöldverður

20:30 Bíókvöld - horfum á  „húmaníska“ bíómynd saman og hún síðan rædd.

Sunnudagur 6. febrúar

09:00 morgunhugleiðsla  

09:15 Morgunverður – borðaður  með nautn og núvitund 😊

10:00 Samvera í setustofu – samantekt um upplifanir helgarinnar.

11.00 Messa í Skálholtsdómkirkju  (fyrir þau sem óska) – annars frjáls tími, t.d. til gönguferðar.

12:15   Hádegishressing og kveðjustund. 

13:00 Dagskrá lokið og kvaðst úti á hlaði

Skráning og upplýsingar:

Skráning er hér á síðunni og eru þar dálkar að fylla út, m.a. um sérfæði eða sérstakar óskir.

Verð á mann í einbýli er 55.400,- með gistingu og öllum máltíðum frá föstudagskvöldverði til hádegisverðar á sunnudag. Verð miðað við mann í tveggja manna herbergi er kr. 46.500.-  Staðfestingargjald er 5500.- er óafturkræft.  Hægt er að fá reikning fyrir námskeiðskostnaði ef nota á það til endurgreiðslu úr starfsmenntunarsjóðum sem margir launþegar eiga kost á.  (Ath. Ekki er endurgreitt vegna matar og gistingar).

Við skráningu berast upplýsingar um skráningargjaldið sem er hluti af heildarverðinu hér að ofan.