Pílagrímagöngur í tengslum við Skálholtshátíð, 16. júlí - 21. júlí

Pílagrímagöngur eru hluti af hinum kristna menningararfi. Þeir sem ferðast til heilagra staða eru kallaðir pílagrímar. Þetta orð er komið úr miðaldalatínu (pelegrinus) en á rætur í klassískri latínu (peregrinus, útlendingur). Slíkar göngur eru farnar af misjöfnum ástæðum; í þakkargjörð, í yfirbótarskyni eða af trúarlegum og/eða menningarlegum áhuga. Gengið er í áföngum en hlé eru notuð til bænahalds, ritningarlesturs eða til íhugunar og kyrrðar. Lengi hefur verið hefð fyrir því að ganga pílagríma göngur frá Þingvöllum til Skálholts á Skálholtshátíð sem er haldin árlega í kring um Þorláksmessu að sumri 20. júlí. Í ár verður gengið frá fjórum stöðum til Skálholts. Göngurnar eru mis langar en h

Nýr auglýsingaseðill og ný vindskilti

Skálholtsskóli hefur margt fram að færa, þar er meðal annars góður veitingastaður sem bæði hópar og einstaklingar geta komið og pantað af matseðli. Við mælum þó með að hópar geri boð á undan sér. Úrvalshráefni úr héraði eru notuð í hverjum rétt sem fram er borinn. Einnig eru glæsilegar kökur, kaffi og te á boðstólnum. Arite Fricke, grafískur hönnuður, var fengin til þess að hanna auglýsingaseðla, vindskilti og vegskilti til þess að auka umferðina um veitingastaðinn. Arite hefur tekist einstaklega vel til og okkur langar að deila með ykkur afrakstri vinnu hennar. Vonandi og fljótlega munu rísa vegleg vegskilti við þjóðveginn. Verið þið ávalt velkomin í Skálholt.

Sumartónleikar í Skálholti

Dagskrá Sumartónleika í Skálholti er nú aðgengileg á heimasíðu hátíðarinnar, www.sumartonleikar.is Sumartónleikar í Skálholti eru alltaf með stærstu viðburðum ársins í tónlistarlífinu og hafa verið það um árabil. Ýmsar nýjungar eru kynntar til leiks á hátíðinni í ár á sama tíma og listræn stefna hátíðarinnar er sú sama og frá upphafi: að leika barokktónlist á upprunahljóðfæri og kynna nýja tónlist. Hátíðin var stofnuð af Helgu Ingólfsdóttur árið 1975 og hefur starfað óslitið síðan. Eitt af aðalsmerkjum hátíðarinnar er að á hverju ári er valið staðartónskáld og pantað af því verk til frumflutnings auk þess að eldri verkum eru gerð góð skil. Í ár er staðartónskáld hátíðarinnar Þuríður Jónsdótt

Grand Rapids Symphony Youth Choir syngur eftir guðsþjónustu

Ungmennakórinn Grand Rapids Symphony Youth Choir er metnaðarfullur kór frá Grand Rapids, Michigan í Bandaríkjunum. Kórinn er hluti af Grand Rapids Symphony og tekur reglulega þátt í tónleikum þeirra. Kórinn samanstendur af 51 ungmenni á aldrinum 12 – 18 ára, sem njóta þess að syngja tónlist hvaðanæfa úr heiminum. Kórinn er á ferð um Ísland með foreldrum og stjórnendum. Meðal viðkomustaða þeirra er Skálholtsdómkirkja en kórinn mun syngja nokkur lög í lok sunnudagsguðsþjónustu kl.11.00 þann 16. júní næstkomandi. Messan er öllum opin og vonandi sjáum við sem flesta.

Grand Rapids Symphony Youth Choir syngur eftir guðsþjónustu

Ungmennakórinn Grand Rapids Symphony Youth Choir er metnaðarfullur kór frá Grand Rapids, Michigan í Bandaríkjunum. Kórinn er hluti af Grand Rapids Symphony og tekur reglulega þátt í tónleikum þeirra. Kórinn samanstendur af 51 ungmenni á aldrinum 12 – 18 ára, sem njóta þess að syngja tónlist hvaðanæfa úr heiminum. Kórinn er á ferð um Ísland með foreldrum og stjórnendum. Meðal viðkomustaða þeirra er Skálholtsdómkirkja en kórinn mun syngja nokkur lög í lok sunnudagsguðsþjónustu kl.11.00 þann 16. júní næstkomandi. Messan er öllum opin og vonandi sjáum við sem flesta.

Sláttur hafinn og fyrsta slætti lokið!

Það var gengið búmannlega til heyja í Skálholti í dag. Fyrsti sláttur á heimatúnum hófst eiginlega snemma í morgun og það þornaði nánast í ljáfarinu, tætlað og svo var þessum slætti lokið með umhverfisvænu heyrúlluplasti. Það var gott að fá þessa jákvæðu mynd á heimatúnin. Heima við kirkju var einnig að ljúka öðrum grasslætti kringum kirkju, skóla og gestahús.

Mjólkurframleiðslu í Skálholti hætt á næstu dögum og kýr og nautgripir til sölu

Það verður mikil breyting í Skálholti núna á fardögum að vori því dagana 3.-7. júní verður mjólkurframleiðslu hætt í Skálholti samkvæmt ákvörðun kirkjuráðs Þjóðkirkjunnar. Lýkur þar sögu kúabúskapar í Skálholti sem hefur væntanlega verið stundaður hér síðan á landnámstíð og margir telja órjúfandi hluta af sögu Skálholts. Mjólkurframleiðsla hefur síðustu ár verið stunduð með undanþágum og er básafjósið komið til ára sinna en framleiðslukvóti staðarins hefur ekki verið nema um 80 þús lítrar. Mjólkurkýr, kvígur og kálfar verða til sölu í Skálholti mánudaginn 3. - 7. júní og mun síðasti ábúandinn, Gestur Einarsson, sýna gripina og veita upplýsingar á staðnum og í síma 856 1504. Einnig verða til

Sumartónleikar í Skálholti 2019 - Barrok og framsækin tónlist nútímans mætast

Sumartónleikarnir 2019 hefjast með tónleikum 5. og 6. júlí og munu m.a. Elektra leika verk Þuríðar Jónsdóttur sem er staðartónskáld Sumartónleikanna í Skálholti. Listafólkið mun einnig flytja verk sín í messu sunnudaginn 7. júlí. Önnur helgi sumartónleikanna verður 13. og 14. júlí með Simultaneo frá Eistlandi. Hlé verður á Sumartónleikum helgina 19. - 21. júlí en þá er Skálholtshátíð sem er kynnt á öðrum stað á heimasíðunni. Seinni hluti Sumartónleika verður helgina 27. til 28. júlí með kammersveitinni Elja og fleiri flytjendum og helgina 2. - 4. ágúst með Elfu Rún og hljómsveitinni Brák sem flytur barrok tónlist. Listrænir stjórnendur Sumartónleikanna í Skálholti eru Páll Ragnar Pálsson og

Sr. Axel Á. Njarðvík messar á sjómannadag

Sr. Axel Árnason Njarðvík, héraðsprestur, messar og prédikar í Skálholtsdómkirkju sjómannadag 2. júní kl. 11. Í ár er sjómannadagur á undan hvítasunnu en hann er fyrsta sunnudag í júní nema það sé hvítasunna. Veitingarstaðurinn í Skálholtsskóla er opinn alla daga og er hægt að fá bæði kaffi og súpu eftir messu. Allir hjartanlega velkomnir.

Sérvaldar færslur
Nýjustu færslur
Safnið
Stikkorð
Samfélagsmiðlar
  • Facebook Basic Square
  • Twitter Basic Square
  • Google+ Basic Square

SKÁLHOLT - SAGA OG MENNING Í 1100 ÁR

Sími: +354 486-8870

Skálholtsskóli

Skálholti, 801Selfoss

skalholt@skalholt.is

© 2023 Skálholtskirkjustaður