Regn

Á fimmtudagskvöld, 5. ágúst, kl. 20.00, verða tónleikar Sumartónleikanna í Skálholtsdómkirkju undir heitinu Regn. Flutt verður tónlist eftir Steingrím Rohloff, Tristan Murail, Ignacio Baca Lobera, Georges Aperghis og Önnu S. Þorvaldsdóttur (mynd). Verk Önnu heitir Regn og verður frumflutt á þessum tónleikum. Flytjendur eru Tiffany DuMouchelle, sópran, Berglind María Tómasdóttir, gítar, Pablo Gomez Cano, gítar, og Frank Aarnink, slagverk. Aðgangur ókeypis. Allir hjartanlega velkomnir.

Sjá nánari upplýsingar á vefsíðu Sumartónleikanna (www.sumartonleikar.is)