Kent M. Keith í mars 2010
Dr. Kent M. Keith framkvæmdastjóri Greenleaf Center for Servant Leadership í Indianapolis í Bandaríkjunum býður upp á námskeið um þjónandi forystu í Skálholti helgina 5.-7. mars 2010. Hann hélt fyrirlestur á skálholtsráðstefnunni um þjónandi forystu 20. júní á síðasta ári. Vakti fyrirlestur hans mikla ánægju þátttakenda fyrir hrífandi framsögu og afburða framsetningu á hugmyndunum um þjónandi forystu. Dagskrá námskeiðsins verður kynnt hér á næstu dögum.
Mánudaginn 8. mars kl. 16.00 heldur Kent M. Keith opinberan fyrirlestur í Háskóla Íslands í boði viðskiptafræðideildar, hjúkrunarfræðideildar og guðfræði- og trúarbragðafræðideildar. Fyrirlesturinn verður nánar auglýstur þegar nær dregur.
Námskeiðið í Skálholti hefst á föstudegi kl. 18.00 og því lýkur um kaffileitið á sunnudegi.
Námskeiðskostnaður: Gisting og fullt fæði 17.000.- kr. Námskeiðsgjald: 10.000.- kr.
Hægt er að skrá sig rafrænt hér fyrir neðan, símleiðis í síma 486 8870 eða með netfanginu rektor[hjá]skalholt.is.
